LAOAG CITY – Naipilan ti kaso a qualified theft kontra kadagiti nagtakaw ti buryas iti Shamae Piggery Farm iti Brgy. 19 San Lorenzo iti ili ti San Nicolas.
Daytoy ti inbatad ni PO2 Girome Ruiz, imbestigador ti nasao a kaso iti pannakiinuman ti Bombo Radyo kenkuana.
Nabigbig dagiti suspek a da Gilbert Quisquis, agatwen ti 23, residente iti Brgy 19, San Nicolas ken ni Benedict Alipio, agatwen ti 18 ken residente iti Brgy. 58 Casili ditoy ciudad ti Laoag ken ti agtawen ti 17 a taga Brgy. San Marcelino, Dingras.
Ti imbestigasyon dagiti otoridad, nakita ti agnagan ti Edison Butay nga adda ti bagbagakaten dagiti suspek a buryas.
Kunana nga adda ti nakakita ti nasao a buryas nga inbati dagiti suspek idi naduktalan ni Butay ti aramid da.
Inbatad ni Ruiz a segun ti biktima ket naduktalan a dagiti met laeng suspek ti nagtkaw itay kallabes iti nasao a farm na ngem pinakawan na dagitoy.
Kabayatanna, natiliw dagiti otoridad da ti menor de edad kenni Quisquis idinto a ni Alipio ken nagtalinaed a mabirbirok
