LAOAG CITY – Naipisuken ti Ilocos Norte Provincial Jail ti suspek iti napasamak a pammagkong iti Ili ti San Nicolas a nakatayan iti maysa a biktima ken tallo dagiti nasugsugatan itay kallabes.
Nabigbig ti suspek a ni Celedonio Dony Saturnino Jr. , agtawen ti 38, residente ti Barangay 1, San Francisco, iti nasao nga ili.
Segun ti PNP, dagus a naarestar ti suspek iti mismo a Mariano Marcos Memorial Hospital kalpasan a naiparuk-at ti “commitment order” nga inyetnag ni Marichu Kristine Pablo, ti Assistant provincial prosecutor ditoy probinsya.
Maipalagip a ni Saturnino Jr. ti suspek iti napasamak a pammagkong a ti nagbalin a biktima na ket agama ken maysa pay a kalugaran daa.
Napasamak ti pammagkong kalpasan nga adda ti saan a nagkinnaawatan ti suspek ken biktima bayat ti panaggiinom da.
Karaman a nabagkong ti anak na gapu ta rimmaman idinto a ti maysa pay a nasugatan ket naganawa.
