LAOAG CITY – Nagdinnungpar ti maysa nga SUV ken maysa a motorsiklo iti paset ti Barangay 23, Sta. Cecilia iti ili ti San Nicolas.
Nabigbig ti driver ti motorsiklo a ni Jude Borromeo y Miguel, residente ti Barangay Mariquit iti ili ti Solsona idinto a ti SUV ket ni Romulo Amian y Sampayan, residente iti Barangay 60, Caaoacan ditoy ciudad ti Laoag.
Naamoan nga adda ti inisyal a saritaan dagiti dua a driver kalpasan ti desgrasya.
Iti imbestigasyon dagiti otoridad, agpaabagatan a direksyon ti motorsiklo idi ta sumrek ti SUV iti national higway a naggapo iti laud a direksyon ken immovertake iti sarsarunwen na a lugan a rason ti pasamak.
Nagtalinaed met ni Borromeo iti Mariano Marcos Memorial Hospital and Medical Center idiay ciudad ti Batac gapo ta angalen na ti akin-kannigid a luppo na.
