LAOAG CITY – Manarimaan ti pannakaisayangkat ti panagdalos iti swimming pool iti Ferdinand Edralin Marcos Stadium.
Segun ken ni Mrs. Helen Rose Domingo, mangidadaulo ti Provincial Sports and Development Office, no saan a mausar ti swimming pool ket dalosanda daytoy agingga iti babana.
Inpettengna a saan a narugit ti swimming pool gapu ta awan dagiti nagsakit iti skin disease.
Inlawlawagna a no bilang nakitada a narugit ti swimming pool ket gapu iti naisayangkat a fireworks display idi Tan-ok Festival kalpasan a dagiti papel dagiti paputok ket naregreg iti swimming pool.
Immuna iti daytoy, inrakurak ni Mayor Michael Marcos Keon a nasangpetan ti Laoag City Swimming Team a narugit ti swimming pool a rason a saanda a nagtuloy a nagsanay.
