LAOAG CITY – Inimbitaran ti Switzerland dagiti 196 nga estado a miembro iti Geneva Conventions tapno makipaset iti maysa a kumperensia inton sumaruno a lawas seknan iti situasion dagiti sibilian nga agnanaed iti Israel a naukoparan a teritorio kas maibasar iti pannakangiwat ti Foreign Ministry.
Adda ti sumurok 45 a ribu a Palestinians ti natay gapu iti naiget a rinnupak iti nagbaetan ti Israel ken Gaza iti uneg ti 15 a bulan.
Inbatad ni Defence Minister Israel Katz inbilinna dagiti otoridad nga agsagana para iti “prolonged stay” ken saan a maipalubos nga agsubli dagiti residente kadagiti pagtaenganda.
Naammoan a ti maikapat a Geneva Convention ket kas paset ti serye ti international treaties a napagnunumoan idi 1949 kalpasan ti World War Two a mangipasimudaag ti humanitarian protections para kadagiti sibilian nga agnanaed kadagiti lugar nga adda ti riribok a mapaspasamak.
Kabayatanna, kiniddaw ti United Nations General Assembly iti Switzerland nga idauloan ti nasao a taripnong idi Septiembre kabayatan ti rinnupak iti Gaza.
Maipalagip nga immuna a naisayangkat ti kapada a taripnong idi tawen 1999, 2001 ken 2014.
