LAOAG CITY – Inarestar ti Taiwanese Coast Guard dagiti Chinese Crew ti maysa a cargo ship gapu iti maipagarup a panangputed dagiti internet cables iti uneg ti baybay.
Ti nasao a barko ket adda iti likudan ti pannakaputed ti kable a mamagkamang iti Taiwan ken Penghu Island.
Basar iti Taiwan Coast Guard a ti cargo vessel nga addaan ti tatak a “flag of convenience” ket adda ti nakalugan a walo a Chinese crew.
Ti “Hong Tai” Cargo vessel ket nakarehistro iti West African nation ti Togo a pinundoan ti China.
Rumrummuar iti imbestigasion ti Taiwan Coast Guard, sumagmamano nga oras kalpasan a nag-angkla ti barko ket napukawen ti internet connections.
Iti agdama, agtultuloy nga im-imbestigaren ti Taiwan dagiti crew ti nasao a barko.
