LAOAG CITY – Possible nga ipalubos ti probinsia ti umay panagkalap dagiti taiwan nationals iti Sitio Dirique iti Brgy. Davila iti ili ti Pasuquin gapu kadagiti narway a tuna.
Segun kenni Gov. Cecilia Araneta Marcos, nadakamat ti financial consultant na a ni Mr. Mon Manotoc nga idi napan da idiay Taiwan ket adda dagiti interesado a fishing vessels a kayat da ti agkalap iti nasao a paset ti baybay ditoy probinsia gapu ta nakita da nga ado dagiti tuna.
Kunana nga adda dagiti satelite dagiti fishing vessel da nu sadinno a makita da no ania dagiti adda iti baba.
Inlawlawag ti gobernador a no adda dagiti Taiwan nationals nga umay agkalap ditoy probinsya ket masapol a mangikeddeng da ti kondisyon.
Kalikagom da nga adda ti porsiento ti probinsya manipod kadagiti makalapan dagiti Taiwan nationals iti paset ti baybay iti Brgy. Davila iti ili ti Pasuquin.
Kabayatanna, mapan bumisita ti grupo ti gobernador kadwa na da ni Tourism Head Ianree Raquel, consultant Mon manotoc ken Ms. Mj Apostol idiay Taiwan ken manamnama a mapagsasaritaan da ti nasao a banag.
