LAOAG CITY – Nangipadanon ti pannakipagladingit ni Taiwan President Lai Ching-te kadagiti biktima ken ti pamiliada mainaig iti napasamak a metro attack idiay Taipei.
Basar kadagiti otoridad, maysa nga agtawen ti 27 ti suspek ti nangimula ti smoke bombs iti kangrunaan a metro station ti Taipei sakbay a napasamak ti pammagkong.
Naammoan a kalpasan a napasamak ti nakaam-ames a krimen ket nagpakamatay ti nasao a suspek.
Mainaig iti daytoy, tallo nga indibidual ti natay iti insidente, maysa iti kangrunaan nga istasion, maysa iti underground ti paggatangan iti distrito ken maysa met iti metro shop.
Kabayatanna, saan pay a masinunuo dagiti otoridad ti motibo ti suspek.
Bimmisita ni Pres. Lai iti lugar ti insidente ken nagkari nga ibutaktakna ti pudno a rason ti napasamak.
Inkarina pay ti transparency iti imbestigasion tapno masigurado ti hustisia para kadagiti biktima.
