LAOAG CITY – Kinanselar ni Taiwan President Lai Ching-te ti panagbiyahe na iti southern African nation nga Eswatini, kagiddan ti panangakusar na iti China a nang-pressure iti dadduma a pagilian tapno pawilan da ti panagtayab ti eroplano na iti teritoryo da.
Inbatad ti opisyal ti Taiwan nga inbabawi ti Seychelles, Mauritius ken Madagascar ti flight permit ni Lai kalpasan ti naiget a pressure ken economic coercion manipod iti China.
Nupay kasta, naglikudan ti China ti coercion, idinto a dinayaw na dagiti tallo nga Indian Ocean nations ken kunana a dakkel ti panangipateg da kadakuada.
Daytoy ti kaunaan a gundaway a kinanselar ti lider ti Taiwan ti biyahe na gapu iti pannakaibabawi ti flight permits na.
Ti Eswatini ket maysa kadagiti 12 a nasyon a diplomatic allies ti Taiwan ken ti kakaisuna iti Africa.
Basar iti report, inbabawi ti Seychelles ken Madagascar fight permits ni Lai gapu ta saan da a bigbigbigen ti Taiwan.
Inpaganetget met dagiti Taiwanese officials a saan a napakpakadaan ti panangibabawi dagiti tallo a pagilian iti Africa ti flight permits ti lider ti Taiwan ken awan pulos ti pakaammo da.
