LAOAG CITY – Nangipatungpal ti strikes ti rehimen ti Taliban iti Afghanistan no sadinno a ti pinuntirya da ket ti border da iti Pakistan.
Basar iti report, sumagmamano nga indibidual iti abagatan a laud ti probinsya ti Balochistan iti Pakistan ti nasugatan iti insidente.
Nangipatungpal ti strikes ti Afghanistan kalpasan ti iraraot ti Pakistan a nakatayan ti 28 a sibiliyan.
Maipalagip nga umabot met iti uppat a bolan a nagbalin a kalmado ti dua a pagilian.
Immanugot ti Pakistan ken Afghanistan iti pannakaipatungpal ti ceasefire idi Oktubre iti napalabas a tawen kalpasan ti nadara a gubat iti nagbaetan ti dua a pagilian.
