LAOAG CITY – Nagballigi dagiti otoridad a nangtiliw ti 3 a babbai gapu iti illegal a panagsugal iti ili ti Pagudpud.
Nabigbig dagiti suspek nga isuda Maricris Tapia, agtawen ti 41, Aristolyn Galamay, agtawen ti 42, Marilou Tapia, agtawen residente iti Sitio Cabaroan, West-A iti Barangay Pasaleng iti nasao nga ili.
Segun ken ni Police Major Goemar Andres, ti chief of police iti ili ti Pagudpud, nakaawat da ti report nga adda dagiti agsusugal iti nadakamat a lugar.
Iti panagresponde da ket naaktwan da dagiti suspek nga gagay-ayam iti “Ong-its”.
Nakumpiskar pay dagiti otoridad iti lugar ti tugaw, lamisaan, baraha ken ti kwarta nga 690 a pisos.
Nagtalinaed dagiti suspek iti kustodyar iti kwerpo ti pulisya ken maisagsaganan ti kaso a panaglabsing iti Presidential Decree 1602 wenno illegal a panagsugal kontra kadagiti suspek.
