LAOAG CITY – Umabot iti tallo a barangay ditoy ciudad ti Laoag ti awanan ti SK officials.
Segun kenni SK Federated Pres. Michael Agustin kabayatan ti sesyon ti konseho, karaman ditoy ti Brgy. 16, San Jacinto, Brgy Lataag ken Brgy. San Mateo.
Segun kenni Agustin, adda pay dagiti kaso adagiti opisyales a saan pay a pormal a nagresign ngem saan dan a makiparpartisipar kadagiti aktibidad ti SK.
Mainaig iti daytoy, kuna ni Agustin a mangkitkita da ti wagas tapno masolusyonan daytoy kas iti pananguray ti guidelines iti panakaisayangkat ti special election.
Nupay kasya, kuna ni Konsehal Donald Nicolas, Chairman ti Committee on Laws a nalidem a mapasamak daytoy nangruna ket asideg metten ti Barangay ken Sang. Kabataan Elections.
Kabayatanna, kiniddaw ni Vice Mayor Rey Carlos Fariñas a makikoordinar ti konseho iti DILG tapno no ania ti rekomendasyon na ken no ania ti rumbeng nga aramiden da.
Ummunan a maalarma ni Agustin iti in-inot a panagado ti bilang dagiti SK officials ditoy ciudad.
