LAOAG CITY – Agpapada a nagsagaba ti sugat iti nagduduma a paset ti bagi dagiti biktima ti napasamak a desgrasya iti paset ti Barangay 19 iti ili ti San Nicolas.
Nabigbig dagitoy a da Gerardo Agcaoili, maysa a security guard ken residente iti Barangay 31, Camandingan iti ciudad ti Batac ken driver ti XRM motorcycle; Nestor Domingo, heavy equipment operator, driver ti Mio motorcycle ken ti lubbon na nga agtawen ti 14 a menor de edad, agpada a residente iti Barangay 19 iti isu met laeng nga ili.
Segun kenni Police Corporal Sonny Cuaresma iti PNP-Traffic Division iti nasao nga ili, agpada nga agpapa-amyanan a direksyon dagiti dua a motorsiklo idi maipagarop a kellaat a nagleft-turn ni Domingo a nangitunda ti pasamak.
Gapo iti daytoy, nasugatan ti rupa ni Agcaoili idinto a ni Domingo ket nagsabaga ti sugat iti ima ken saka na ken ti menor de edad ket adda ti sugat iti ulo na.
Inbatad pay ni Cuaresma a bayat nga adda iti ospital ti nasao a menor de edad ket nagbakwar.
Iti agdama, agtultuloy ti imbestigasyon dagiti otoridad mainaig iti nasao a pasamak.
