LAOAG CITY – Inpakaammo ni Atty. Julius Balbas, Commission on Election officer ditoy ciudad ti Laoag nga adda ti tallo a kaso a naipursige a naipila gapu iti panaglabsing kadagiti pagannurutan iti eleksyon.
Kuna na a dagitoy a kaso ket naireport iti Philippine National Police ditoy ciudad ti Laoag ken naiforward da metten iti higher office da.
Inlawlawag na a ti dua a kaso ket gapu iti vote buying idinto a ti maysa ket panagikkat ti campaign paraphernalia.
Innayon na nga ur-urayen iti opisina da ti maaramid a sumaruno nga addang para kadagitoy a kaso.
Maipalagip nga idi panawen ti kampanya ditoy ciudad ti Laoag para iti Midterm elections ket adda dagiti tiniliw dagiti otoridad gapu iti maipagarop a panaggatang ti botos.
