LAOAG CITY – Naiyendorsar iti Philippine National Police (PNP) ken namulta ti sag-10 ribo a pisos dagiti tallo a lallaki iti Barangay 54, Lagui-Sail ditoy ciudad ti Laoag gapu iti panaglabsing da iti maipatpatungpal a curfew hours ken liquor ban.
Nabigbig dagitoy nga isuda Ely Tamayo Dagan, agtawen ti 50, awanan ti asawa, Roldan Ruiz Medina, agtawen ti 23, baro ken ni Romnick Medica, agtawen ti 27, baro, agpapada dagitoy a residente iti nasao a barangay.
Segun iti report, agarop alas-9:40 idi rabii ket naggiinom dagiti suspek ken naaddaan da ti nabara a diskusyon a nangitunda ti panagkakabil da.
Napan nagresponde dagiti opisyal ti barangay ken apaman a naanawa da dagitoy ket napanda inyendorsar ida iti PNP.
Gapu iti panaglabsing dagiti suspek ti liquor ban ken curfew hours ket namulta da ti sag-10 ribo a pisos.
Rumrumuar a ti panagririri ken panagkakabil dagiti suspek ket bunga laeng ti kinabartek da.
