LAOAG CITY – Natiliw dagiti tallo a lallaki kalpasan a naaktuan dagiti kameng ti PNP-Bacarra nga aggayaam da ti tong-it iti kasabsabaan iti Brgy. 39 Pasiocan iti nasao nga ili.
Binigbig ni Police Major Rommel Ramos, chief of police iti nasao nga ili dagiti nagsusugal nga isuda Benny Pascua y Durotan, agtawen ti 36, naasawaan, tricycle driver; Ferdinand Agustin y Corpuz, agtawen ti 51, naasawaan, mannalon kenni Ramon Pascua y Corpuz, agtawen ti 61, naasawaan, tricycle driver ken agpapada a residente iti nasao a lugar.
Segun kenni Ramos, inpetteng dagiti maseknan a pagliwliwaan da laeng ti agay-ayam ti tong-it ngem basar iti monitor da ket nabayagen nga ar-aramiden da daytoy iti lugar a nakatiliwan na.
Inbatad na a nalimed a paset ti nakatiliwan da rason a saan da unay a makita.
