LAOAG CITY – Balligi a natiliw dagiti tallo a lallaki a residente iti Barangay Cabulalaan iti ili ti Bacarra gapo iti panagsusugal da.
Segun kenni Police Captain Dionisio Baldillo, hepe ti PNP-Bacarra, adda ti naawat da nga impormasyon nga adda ti agsusugal iti nasao a barangay.
Gapo iti daytoy, inyuswat da ti anti-illegal gambling operations a nakatiliwan dagiti tallo a lallaki.
Nakumpiskar pay dagiti otoridad ti baraha, ken 2,297 a pisos ken dadduma pay a gamit da nga agsusugal.
Iti agdama ket nagtalinaed iti kustudiyar ti PNP-Bacarra dagiti suspek ken manamnama a mapilaan ti kaso nga iligal a panagsusugal.
