LAOAG CITY – Nagkarambola dagiti tallo a lugan iti Suba Road, Brgy. Buttong ditoy siudad ti Laoag.
Karaman iti aksidente ti maysa nga SUV nga inturong ni Reynald Anchet y Domingo, Brgy Balatong, sumarsaruno ti motorsiklo nga inturong ni Menchita Tabile y Casil, residente iti Brgy. Nagbacalan, Paoay, ken ti kurong-kurong ket inturong ti agnagan ti Jaymark Miguel y Ignacio.,
Segun ti imbestigasyon ti PNP Traffic Division ditoy siudad, agpapaabagatan amin dagiti nadakamat a lugan idi ta makadanun iti rotonda iti nasao a lugar ket nagpainayad ti SUV rason a naidungpar ti sumarsaruno a motorsiklo ken ti akin liklikod a kurong-kurong.
Gapu iti daytoy, ket nagsagaba ni Tabile ti sugat iti akin kannawan a bakrang na.
Nagsagaba met ti sumagmamano a dadael dagiti nasao a lugan.
