LAOAG CITY – Uppat dagiti baro a kaso ti covid-19 ditoy probinsya.
Basar iti inparuk-at a covid-19 update ni Governor Matthew Marcos Manotoc iti facebook page na, tallo kadagitoy ket agpapada a customer service representative ken maysa ti locally stranded inidividual.
Dagiti tallo a customer service representative ket isuda IN-C83 nga agtawen ti 22 a lalaki, IN-C84 nga agtawen ti 20 a babai kenni IN-C85 nga agtawen ti 24 a babai.
Agpapada dagitoy a nakapulapol ni IN-C69 ken residente dagitoy iti Brgy.1 iti ili ti San Nicolas.
Kabayatanna, ni IN-C86 ket maysa nga LSI a babai nga agtawen iti 34 manipod Calanasan, Apayao ken residente iti Brgy. 23 ditoy siudad ti Laoag..
Ni IN-C83 kenni IN-C85 ket agpada nga a symptomatic wenno adda ti sagsagabaen da sintomas ti covid-19 ken adda da iti ospital idinto a da IN-C84 ken IN-C86 ket agpada nga asymptomatic ken agdama a naka-isolate.
