LAOAG CITY – Balligi ti pannakatiliw ti maysa a tricycle driver iti Barangay 1, Barangay San Lorenzo ditoy ciudad ti Laoag babaen iti drug buy bust operation.
Nabigbig daytoy a ni Billy Mailem Vinoya, agtawen ti 43, residente iti Barangay 54-B ditoy ciudad.
Nakumpiskar manipud iti subject ti maysa a sachet ti maipagarop a shabu a nagatang ti police pusuer buyer nga agbalo ti sangaribo a pisos, malaksid pay iti maysa nga sling bag nga agmaris ti berde a nakaipanan ti dua a plastic sachet a naglaon ti maipagarop a shabu ken maysa a kalibre 38 a paltog nga addaan ti maysa a bala, ken ti maysa a sachet ti maatap a shabu.
Mainaig iti daytoy, kuna ni Vinoya a kalpasan a naitulod na ti pasahero na ket adda ti naglugan a maysa a lalaki ken maysa a babai ken nagturong da iti Barangay 1.
Inpetteng na a saan na a kukua ti sling bag a nakaipanan ti maipagarop a shabu ken ti paltog ken nabayagen a nagbalbaliwen manipud iti dati a panagusar na ti iligal a droga sipud a simmuko idi 2016.
Naamoan a ni Vinoya ket maibilang a Top 10 Regional Priority Level ken addan ti sumagmamano a bulan a masipsiputan.
Kabayatanna, kuna ni Police Col. Julius Suriben, ti Provincial Director ti INPPO a manamnama a mapilaan ti kaso a panaglabsing iti RA 9165, RA 10591 ken iti Omnibus Election Code.
Inlawlawag na nga amin a matiltiliw ket paglikudan da nga adda ti aramid da ngem aramid da met ti trabaho da.
