LAOAG CITY – Agpapada a negatibo ti resulta dagiti naisayangkat a tallo a search warrant operations idiay ili ti Bacarra.
Nabigbig dagiti subject iti operasyon a da Valentin Jorge Dacuycuy iti Barangay 1, Sta. Rita, Barangay Chairman Rosphil Ramones iti Barangay 12, ken ni Barangay Chairman Romeo Macadangdang iti Barangay 25 iti nasao nga ili.
Dagiti search warrants ket agpapada nga aggapo iti korte idiay probinsya ti Pangasinan ken dagiti kameng ti CIDG manipod iti Regional Office ti immay nangiserbi.
Naipalaon iti search warrant a naiserbi ken ni Dacuycuy ti maysa a cal.45 a paltog, maysa a 9mm ken assorted a bala.
