LAOAG CITY – Sumango iti reklamo nga illegal gambling dagiti tallo a tattao a nagsusugal iti Brgy. 37 Calayab ditoy siudad ti Laoag.
Nabigbig dagiti suspek a da Madilyn Dacuscus Menor, agtawen ti 50, naasawaan, Janice Galano Menor, agtawen ti 38, naasawaan kenni Roderick Blanes Menor, agtawen ti 19, baro ken agpapada a residente iti nasao a lugar.
Segun kenni Police Chief Master Sergeant Sean Francis Bugaoisan iti PNP Laoag, maipila ita nga aldaw ti reklamo kontra kadagiti tallo gapu ta adda ti skeletal workforce ti piskalya ditoy siudad ti Laoag.
Immuna iti daytoy, naaktuan dagiti otoridad a nagsusugal dagiti maseknan ti tong-it rason a natiliw da.
Nakumpiskar dagiti otoridad ti 52 a pidaso ti baraha, tugtugaw, lamisan, ken 372 a pisos a pusta dagiti maseknan.
