LAOAG CITY – Mangisayangkat ti grupo ti transportasion a MANIBELA iti “tigil-pasada” a mangrugi into Agosto 14 agingga 16 kalpasan a kinontra ni Presidente Ferdinand Marcos Jr. ti resolusion ti Senado para iti pannakasuspenso ti Public Utility Vehicle Modernization Program (PUVMP).
Iti press conference a naiwayat laeng idi kalman, kinuna ni mangidadaulobti MANIBELA a ni Mar Valbuena, a saanda a mangbutbuteng ngem no awan ti nalawag a direktiba manipud iti Presidente, Department of Transportation ken Land Transportation Franchising and Regulatory Board kasta met dagiti guidelines no kasano ti umno a pannakaipatungpal ti programa ket agwelgada.
Kinunana a saan a tinaming a nasayaat ti Presidente ti espesipiko a pakaseknan dagiti Senador a mangaw-awag iti pannakasuspenso ti nasao a programa.
Kabayatanna, maipalagip nga inpetteng ni Presidente Marcos iti suportana iti Public Utility Vehicle Modernization Program a maawagan iti Public Transport Modernization Program (PTMP) iti laksid ti resolusion nga inpila ti 22 a Senador a mangsuspenso iti daytoy.
