LAOAG CITY – Agtultuloy ti naun-uneg nga imbestigasyon dagiti otoridad kalpasan ti aksidente iti national highway ti Brgy. San Lorenzo iti ili a San Nicolas a nakasugatan dagiti tallo a motorista.
Iti inisyal nga impormasyon, maipagarup a nadungpar ti motorsiklo nga inturong ti agnagan ti Melvin Raymundo, residente ti Brgy. 50 Buttong ditoy siudad ti Laoag, ti maysa a tricycle nga minaneho ti agnagan ti Antonio Pungtilan iti nasao a lugar bayat nga agpaamianan da a direksyon.
Daytoy ket gapu ta nadadael ti likod ti tricycle ken nadadael met ti sango ti motorsiklo.
Segun ti managan Jose Baet a nakalubbon iti motorsiklo, naggapu da iti siudad ti Batac ken agawid da kuma iti nasao a siudad.
Inadmitir ni Baet a nakaimon da kenni Raymundo ti nasanger.
Dagus a naitaray dagiti tallo iti ospital para ti naan-anay a pannakataming da gapu kadagiti sinagaba da a sugat.
