LAOAG CITY – Mapukpukawen ti simbeng ti panonot gapu iti makitkitan a sabsabali a panag-ug-ugali dagiti tallo a lallaki a drug surrenderers iti ili ti Pinili.
Daytoy ti inbatad ni P/Chief Insp. Gerardo Antonio, Chief of Police iti nasao nga ili iti innuman ti Bombo Radyo kenkuana.
Kuna na, dagitoy a lallaki ket agindeg iti Bgy. Liliputen, Bgy. Balbuena ken Bgy. Tartarabang, ken agpapada nga addaan iti umno a tawen.
Nupay no kasta, nagkedked ni Antonio a mangbigbig iti kinasiasinno dagiti nasao a surrenderers.
Innayon ti hepe ti pulisya a ti laeng Municipal Health Office ti makaibaga no masapul a dumalan dagiti nasao a personalidad ti drug rehabilitation.
