LAOAG CITY – Nagtalinaed iti kustodyar ti PNP-Laoag dagiti tallo a natiliw iti drug buy-bust operations iti asideg iti bell tower ditoy ciudad ti Laoag.
Nabigbig dagitoy a da Patricio Tayamen, driver ti truck ken dagiti dua a pahunante na a da Jonathan Borja ken Joshua Patoc, agpada a residente iti Barangay 32-B, Lapaz ditoy ciudad ti Laoag.
Maipalagip a naala iti ikot dagiti suspek iti tallo a dadakkel a sachet a maipagarop a naglaon a iti shabu, maysa a bassit a sachet a naglaon ti maatap a shabu, 3 ribo a pisos a marked money ken iti nasurok a 83 ribo a pisos a naikabil iti maysa a bag.
Naamoan a sakbay a natiliw dagiti suspek ket immuna a napanda nagala ti ikan idiay Metro Manila a mailako ditoy probinsya.
Manamnama a sumango dagiti suspek iti kaso a panaglabsing iti Republic Act (RA) 9165 wenno Comprehensive Dangerous Drugs Act of 2002.
