LAOAG CITY – Naitaray dagiti tallo nga agga-ama kalpasan ti panagdinnungpar ti kurong-kurong ken motorsiklo idiay Barangay 52-A, San Mateo ditoy ciudad ti Laoag.
Nabigbig ti driver ti kurong-kurong a ni Ilorde Agcaoili y Ramos, 52, naasawaan, kadwa na dagiti annak na a da Desiree Joy Agcaoili, 20 ken ti agtawen ti 15 a menor de edad ken residente iti Barangay 23, Dipilat iti ili ti Vintar idinto a ti nangiturong ni motorsiklo ket ni Dominador Alpon, 75, naasawaaan ken residente iti Barangay Bacsil South ditoy ciudad.
Basar iti imbestigasyon ti PNP-Traffic Division, agpada nga agpapaabagatan dagiti dua a behikulo idi immovertake ti motorsiklo iti tricycle nga adda iti likudan ti kurong-kurong.
Naamoan nga adda met ti masabat ti motorsiklo a maysa pay a tricycle rason a nagsubli iti linya na ngem nadungpar na ti lugan dagiti agga-ama.
Gapo iti daytoy, nagsagaba ti sugat iti nagduduma a paset dagiti biktima ken naitaray iti Gov. Roque Ablan Senior Memorial Hospital ditoy ciudad.
