LAOAG CITY – Natiliw dagiti tallo nga akusado babaen ti bileg ti warrant of arrest nga inyemplementar dagiti kameng ti PNP Dingras.
Nabigbig dagiti akusado a da Melirose Lampitoc, agtawen ti 49, naasawaan, Nanette Ganal, agtawen ti 39, addaan ti live-in partner, agpada a negosyante ken agpada a taga Brgy San Marcelino iti ili a Dingras gapu ti kaso ng estafa.
Nairekomendar ti 40 a ribo a pisos a piyansa iti tumunggal maysa kadagiti akusado para ti temporaryo a pannakawaya-waya da.
Kabayatanna, natiliw pay ti agnagan Melrose Balino, agtawen ti 54, naasawaan, ken residente iti Brgy. San Marcelino iti nasao nga ili babaen bileg ti warrant of arrest gapu ti nasao a kaso.
Nairekomendar ti 40 a ribo a pisos a piyansa ni Balino para ti temporaryo a pannakawaya-waya na.
