LAOAG CITY – Adda ti 26 a miembro ti House of Representatives ti im-imbestigaran ti Office of the Ombudsman iti pannakairamanda iti maanomalya a flood control projects ti gobierno.
Inbatad ni Assistant Ombudsman Mico Clavano, nangisubmitiren ti House of Representatives ti Statement of Assets, Liabilities and Net Worth ti 26 nga agpanpanday linteg.
Kunana nga umuna a bansada laeng daytoy a kiniddaw nga Statement of Assets, Liabilities and Net Worth iti House of Representatives.
Inpettengna a saan a baybay-an ti Ombudsman ti imbestigasion iti flood control projects.
Inlawlawagna a ti panangtingiting ket saan laeng nga agsentro iti kontrobersial a flood control projects no diket umabot pay iti nalawlawa a wagas ti panaggastos iti proyekto imprastraktura.
Sipud idi nagimbestigar ti anti-graft court idi Setiembre 2025, nakaipila daytoyen ti kaso iti tallo a bansada mainaig iti flood control anomalies.
