LAOAG CITY – Naarestar ti tallo nga indibidual babaen ti inyuswat nga anti-illegal gambling operation ti PNP Bacarra iti Brgy. 34- Cabaruan iti nasao nga ili.
Dagiti natiliw ket agtawen ti 54, naasawaan residente iti Brgy. 35-Pipias, maysa nga agtawen ti 33, mannalon ken agtawen ti 36 agpada a residente iti Brgy. 34-Cabaruan.
Kabayatan ti operasyon dagiti otoridad ket dita a naaktuan nga agay-ayam ti “lucky 9” dagiti maseknan.
Nakumpiskar iti lugar ti 40 a pidaso ti baraha, lamisaan, innem a monoblock chair ken ti 1,670 a pusta.
Iti agdama ket nagtalinaed iti kustodiyar ti PNP Bacarra dagiti tallo nga indibidual bayat a maisagsagna ti maipila a kaso kontra kadakuada.
