LAOAG CITY – Amin a tao iti lubong ket kalikagum nga agbiag iti atiddog ngem dagiti residente ti Japan, Sweden ken Norway ket at-atiddog ti biagda maidasig kadagiti dadduma a pagilian.
Inbatad ni Dr. Rashi Aggarwal, Associate Professor ti Psychiatry ken Rutgers New Jersey Medical School, adu ti rason no apay nga atiddog ti biag dagiti tattao kadagiti nadakamat a pagilian.
Ti average ti American ket mabiag agingga iti 77.4 a tawen basar iti datos ti Centers for Disease Control and Prevention (CDC) ken daytoy ti kababaan a lifespan idiay Estados Unidos a nakita iti uneg ti dua a dekada.
Idiay Japan, ti average life expectancy ket dumanon iti 84.3 a tawen basar iti datos ti World Health Organization (WHO).
Nupay kasta, adda dagiti factor a saan a mabalin a makontrol maipanggep iti pagpaatiddog ti biag kas ti genetics.
Insingasing dagiti doktor ti plant-based diet no sadinno a bassit laeng a karne ti nasken nga ipauneg.
