Napukaw ti taraken a pusa ni Carrie Clark a ni Galena iti pagtaenganna idiay Lehi, Salt Lake City, Utah, United States of America.
Ti pusa a ni Galena ket agtawen ti innem ket addaan ti breed nga American shorthair.
Sinapul ni Carrie ti tarakenna iti lugarda ket nangipaskil pay daytoy kadagiti kadagiti “missing cat” a poster.
Mainaig iti daytoy, nasdaaw ni Carrie idi nakaawat iti tawag manipud iti maysa a veterinarian idiay Riverside, California, a mangibagbaga a nasarakan ni Galena.
Nupay kasta, saan a mamati ni Carrie no sadinno inbagana pay a baka prank laeng daytoy.
Gapu iti daytoy, naammuanna a simrek ni Galena iti uneg ti 3-by-3-foot a karton nga Amazon returns package nga addaan laeng iti lima a paris nga steel-toed boots.
Nagpatingga ni Galena iti Amazon returns package iti bodega ti kompania idiay California nga idiay a natakuatan dagiti empleado.
Gapu iti daytoy ket dagus a nagbiahe da Carrie ken lakayna idiay California tapno alaenda ni Galena.
Kabayatanna, idi simmangpetda iti klinika ti veterinarian ket ditoy na a napaneknekan nga adda idiay ti tarakenda a pusa.
