LAOAG CITY – Inawagan a “serious ti constructive” ti Qatar, Egypt ken United States ti resulta ti ceasefire talks.
Iti nairuar a rakurak dagiti nadakamat a pagilian a nagserbi kas mediators kadagiti dua nga Israel ken Hamas ket naikkan ti napintas a proposals.
Sumagmamano ditoy ket maikkaten ti nagbaetan dagiti tunggal partido a saan a madadael ti prinsipio ti dua a grupo.
Naammoan nga adda laeng ti bassit nga adjustments iti orihinal a proposal a kiniddaw idi ni United States President Joe Biden.
Manamnama a maminsan manen nga adda ti maiyuswat a taripnong dagiti dua a partido inton sumaruno a lawas iti Cairo tapno matalantan dagiti sumagmamano a linaon ti katulagan.
