LAOAG CITY – Inrubuaten ti 8th Infantry Division ti Philippine Army ti Task Force HOPE-Eastern Visayas tapno maipasigurado ti naurnos ken natalged a 2025 Midterm Elections.
Inbatad ni Task Force HOPE-EV Commander Col. Arlino Sendaydiego, nakatutokda iti panangsuporta iti Commission on Elections ken dadduma pay nga ahensia tapno maliklikan ti aniaman nga iligal nga aramid ken pangta iti proseso ti eleksion.
Tutokan ti Task Force ti pannakaipaay ti seguridad kadagiti Communist Terrorist Group-affected areas kangrunaanna kadagiti voting centers.
Kabayatanna, makikammayetda pay iti Philippine National Police (PNP), Philippine Coast Guard (PCG) ken Bureau of Fire Protection (BFP) tapno maipasigurado ti nakappia nga eleksion iti Eastern Visayas.
