LAOAG CITY – Naiget ti panagsanay dagiti atleta a mangbukbukel ti Team Laoag para iti mapaspasangasangan a pannakaiwayat ti Region I Athletic Association Meet 2026.
Daytoy ti inpakaammo ni Mr. Hipolito Salva Jr, ti mangidadaulo ti City Sports Development Office ditoy ciudad ti Laoag.
Inbatad na a sipod nangrugi ti training da ket naka-in house da kadagiti 5 a pagadalan ditoy ciudad karaman dagiti coaches da.
Nagyaman met ni Salva iti agtultuloy a panangipapaay ti city government kadagiti kasapulan da iti panagsanay da, karaman dagiti personal a pagkasapulan da.
Innayon na a no pakaseknan met ti academics dagiti atleta ket adda latta dagiti wagas nga ar-aramiden da tapno saan da a mabaybay-an ti panagadal da kas iti modular learning.
Inpakaammo na a kadagiti sumarsaruno nga aldaw ket agbalin ton nga whole day ti training da.
Mangnamnama ni Salva a babaen kadagitoy nga ar-aramiden da ket agballigi da manen a magun-od ti maikatlo a kampeonato iti Region I Athletic Association Meet.
