LAOAG CITY – Nakaaramid ti pakasaritaan iti Region 1 Athletic Association ni Mr. Gian Alexis Reyes, Grade 6 student manipud iti Department of Education – Schools Division of Laoag City kalpasan a nakagun-od ti 10.03 meters iti Shot Put – Elementary Boys category kadagupan kadagiti 14 nga Schools Division iti intero a rehion uno a kinabinnalubalna.
Segun ken ni Mr. Jofrey Corpuz, Trainer ti Shot Put a gapu iti daytoy a record-breaking ni Gian ket naartapanna ti dati a rekord a 9.75 meter mark.
Inbatadna a kalpasan ti panagballigi ni Gian a nakagun-odanna ti balitok a medalya iti ay-ayam a Shot Put ket agsagsagana manen daytoyen para iti sabali pay a labanna inton bigat.
Inlawlawagna a makipaset pay ni Gian inton bigat iti discus throw ken javelin throw.
Kabayatanna, kuna ni Gian a saanna a ninamnama nga isuna ti agballigi iti Shot Put gapu ta ammona a nalalaing dagiti kinalabanna iti nasao nga sporting event.
