LAOAG CITY – Manarimaan ti panagaramid ti temporary bridge iti Brgy. Nalasin iti ili Solsona, tapno adda aramaten dagiti bumaranggay a bumallasiw iti karayan.
Segun ken ni Vice Mayor Jonathan De Lara, naka-isolate pay laeng iti Brgy. Lipay ken Brgy. Nalasin, gapu iti iduduprak ti Bagyo Julian.
Nupay kasta, naipadanon kadagiti residente ti relief goods a naggapu iti gobierno lokal, no sadinno a kinasapulanda a lasaten ti tallo a karayan tapno makadanon iti nadakamat a dua a barangay.
Mainaig iti daytoy, nakasublin dagiti evacuees kadagiti bukodda a pagtaengan.
Innayonna a naruay a mannalon ti nagturong iti munisipyo tapno i-claim dagiti insurance da.
Kabayatanna, kadagiti dadduma a barangay ket ininot a bumangon kalpasan ti bagyo ken naipaayan dan iti ayuda.
