LAOAG CITY – Inlawlawag ni Ms. Marilyn Vergara, ti Chief Statistical Specialist iti Philippine Statistics Authority (PSA) a ti dua a lawas a temporaryo a panagsardeng operasyon ti Philsys (Philippine Identification System) ket maipatungpal iti intero a pagilyan.
Segun kenni Vergara, adda ti mandar ti Central Office mainaig iti daytoy gapo ta maiyuswat ti reconfigure ken re-programming kadagiti mausar iti panagrehistro.
Inbatad na a ditoy Ilocos Norte ket adda ti uppat a kit a mainayun ken isu pay ti mai-program kasta pay ti 30 nga staff.
Inpalgak na a kadagiti dadduma a probinsya ket agikkat na kadagiti staff.
Mainaig iti daytoy, nagpanawagan ni Vergara iti publiko nga urayen ti National ID da gapo ta marigatan iti panagaramid gapo ta kasapulan pay a ma-screen wenno mavalidate dagit nagnagan nangruna ket adda dagiti nagdoble a nagrehistro.
Innayon na a ti Bangko Sentral ng Pilipinas (BSP) ti agaramid ken ti PHLPost ti agibunong kadagiti National ID.
Iti agdama ket addan ti 3.5 a milyon a national ID ti naited kadagiti Pilipino.
Kabayatanna, inpakammo ni Vergara a manipud iti 50 a milyon nga indibidual a target a mairehistro ket immabot iti nasurok 52 ti balligi a nakapagrehistro idi 2021.
Kunana nga ita a tawen 2022 ket taget ti PSA a mairehistro ti 40 a milyon a Pilipino.
Ditoy Ilocos Norte ket saan a naabot ti 400 a ribo nga indibidual a mairehistro gapo ta immabot laeng iti agarop 270 a ribo gapo iti nasurok met a makabulan a pannakaipatungpal ti MECQ ken ECQ a nangitunda ti panagsardeng ti operasyon ti PhilSys.
