LAOAG CITY – Planoen ti city government of Laoag no temporaryo nga ipalubos da dagiti aglako iti sidewalk ti merkado publiko ditoy ciudad iti bulan ti Disyembre.
Daytoy ti inbatad ni Ms. Eva Marie Dumlao, ti officer in-charge iti Business Process and Licensing Office.
Kunana a makitaripnong isuna iti local chief executive no ania ti agbalin nga desisyon na nangruna ket iti naglabas a tawtawen, ado dagiti sidewalk vendors nga aglaklako kadagiti Christmas products kas kadagiti parol ken torotot no dumteng ti baro a tawen.
Segun kenni Dumlao, no temporaryo nga ipalubos da ket ibilang da daytoy kas regalo kadagiti babassit a negosyante.
Innayon na pay a mangbirok da no adda ti apinpintas a pagpuestoan da a saan a makaapektar ti taray ti trapiko ken garaw dagiti tattao nangruna ket ado dagiti mapmapan iti tiendaan no dumteng dayta a tawen.
