LAOAG CITY – Mangididiaya ti Technical Education and Skills Development Authority wenno TESDA ti training course para iti Japanese language wenno pannakaisuro ti pagsasao a Nihongo.
Inbatad ni Dr. Soforo Galanto, Provincial Director ti Technical Education and Skills Development Authority ditoy probinsia a maisayangkat ti nasao a programa para kadagiti residente iti umuna a distrito ditoy probinsia.
Inlawlawagna a libre a maiyuswat ti panagsanay iti uneg ti 19 nga aldaw.
Kunana a babaen iti daytoy ket maisuro kadagiti maseknan nga agkalikagum nga agtrabaho idiay Japan ti pagsasao dagiti Hapon.
Inpakaammona nga adun dagiti balligi a nakastrek iti trabaho idiay Japan a dimmalan iti nasao a panagsanay.
Innayonna a manamnama nga adda ti sumaruno a training course a maiyuswat maipanggep met iti Korean language wenno Hangul.
