LAOAG CITY – Inrakurak ni Bombo International Correspondent Ogin Sacoco-Jung, tubo ditoy probinsya ken English Teacher idiay Seoul, South Korea nga alisto a makadetect dagiti addaan ti corona virus disease.
Daytoy ket gapu ta adda iti test kit nga ar-aramaten dagiti eksperto tapno dagus a maamuan no positibo wenno saan ti maysa a tao.
Kuna na nga inaprobaran ti Food and Drug Administration iti nasao a pagilian ti nasao a test kit sakbay iti pannakailako wenno pannakausar na.
Inbatad ni Mrs. Jung nga amin a tattao ket kayat na iti dumalan iti test kits tapno maamuan da no addaan da ti corona virus.
Segun kenkuana, adda dagiti ospital ken health center ti addaan ti nasao a test kit ken idanun da ti serbisyo da kadagiti agtawag nga addaan ti posible a sintomas ti corona virus.
Umaboten ti 1,766 ti bilang dagiti nagpositibo iti sorona virus, 26 dagiti naagasan a tattao ken 13 dagiti pimmusay gapu ti virus.
Inbatad ni Jung a kalikagum dagiti tattao nga ipawil ti gobyerno ti panagserrek dagiti chinese iti South Korea.
Innayon na a saan nga agsardeng ti gobyerno iti nasao a pagilian a mangipaay kadagiti updates ti corona virus.
