LAOAG CITY – Inbatad ni Prime Minister Paetongtarn Shinawatra iti Thailand a naawat nan ti nagbalin a desisyon ti Korte para iti naan-anay a pannakaikkat na iti pwesto gapu iti nag-leak a panagsarita da it telepono iti dati a lider ti Cambodia.
Nupay kasta, iti press conference, inpetteng ti Prime Minister a kas agnaed iti Thailand ket irupirna ti kinapasnek na nga agtrabaho para kadagiti umili iti nadakamat a pagilian.
Maipalagip a ti nag-leaked nga audio clip, mangngeg ti boses ti napadisi a Prime Minister nga ibagbagana ken ni Cambodian Leader Hun Sen ti panangkritikar na kadagiti tropa ti Thailand.
Ni Paetongtarn, agtawen ti 39 ti maikalima a lider sipud idi 2008 nga inikkat ti korte iti pwesto ken isuna pay ti maibilang a kaubingan a nagserbi kas prime minister ti Thailand.
Basar iti korte, linabsing ni Paetongtarn ti ethics no sadinno nga arigna nagpakumbaba iti lider ti Cambodia iti baet ti tensyon iti border ti dua a pagilian.
