LAOAG CITY – Inpakaammo ni Jail Warden Editor Guiang, ti Provincial Warden ti Ilocos Norte Provincial Jail nga adda ti iyus-uswat da a therapeutic community kadagiti balud mamintallo a daras iti kada lawas.
Inbatad na a gagem daytoy nga addang ket tapno maiyebkas dagiti balud ti marikrikna da kadagiti pada da a balud.
Inlawlawag ni Guiang a babaen ti therapeutic community a maiyus-uswat mamintallo a daras ti kada lawas ket maliklikan ti saan a panagkikinaawatan iti uneg ti pagbaludan.
Innayon na a karaman payen a pagsasaritaan da bayat ti therapeutic community ket ti maipanggep dagiti sangsangwen a kaso dagiti balud tapnu saan da maburyong kabayatan ti panagtalinaed da iti Ilocos Norte Provincial Jail.
