LAOAG CITY – Pormalen a nalukatan ti three-day wedding expo iti lokal a gobierno ti ciudad ti Laoag a masarakan iti Laoag City Multi-purpose Hall.
Indaulwan daytoy ni Mayor James Bryan Alcid ken dagiti sumagmamano a Sang. Panlungsod Member.
Iti nasao nga aktibidad ket makita ti 15 nga exhibitors, food services, hosting, clothing ken daddua pay ken dagiti met agpa-ibook kadagiti pasken ken addaan ti dakkel a diskwento.
Inpakaammo ni Mrs. Mary Jane Leaño, ti mangidadaulo to Communications and Media Office a gagem ti nasao nga aktibidad nga itampok dagiti nagduduma nga event organizers ditoy ciudad pakairamanan iti creativity, professionalism ken de kalidad a serbisyo para kadagiti tattao mainaig kadagiti nagduduma nga okasyon kas iti kasar.
Naamoan a ti nasao a edding expo ket naawagan met nga “Alisto I Do.”
Inbatad na pay nga intono bigat, Setyembre 17 ket maiyuswat ti opening ceremony ken ribbon cutting kadagiti booths; ken iti maikadua aldaw ket ti lecture talks mainaig iti nagduduma a topiko kas iti hosting, photography and videography, design ken fashion.
Maiysangkat mt iti maikatlo nga aldaw ti panagkasar dagiti 30 nga agayan-ayat ken amin a kasapulan da ket maipaay a libre.
Namnamaen na a babaen iti daytoy ket matulongan dagiti event organizers a maiyam-ammo iti publiko kasta met dagiti agayan-ayat a maikallaysa babaen iti tulong ti lokal a gobierno.
