LAOAG CITY – Temporaryo a napaserraan ti tiendaan ken slaughter house iti ili ti Marcos.
Daytoy ti inbatad ni Vice Mayor Larry Lorenzo iti ili ti Marcos.
Inlawlawag ti bise mayor a temporaryo a napaserraan ti tiendaan ken slaughter house kalpasan nga adda ti aglaklako a nagpositibo ti covid-19.
Gapu iti daytoy, kuna ni Lorenzo a maipadalan amin ti swab test dagiti aglaklako iti tiendaan ken dagiti agpapaay iti slaughter house.
Saan met nga ammo ti bise mayor no kasanu dagiti nakatambak a lako a nateng iti tiendaan.
Immunan a nailockdown iti munisipyo ken RHU iti nasao nga ili kalpasan nga ado dagiti empleado a nagpositibo ti covid-19.
Naamoan nga iti agdama ket ti mangiyus uswat ti contact tracing iti ili ti Marcos ket aggapo iti gobierno probinsyal.
Iti agdama, umaboten iti 97 ti aktibo a kaso ti covid-19 iti ili ti Marcos.
