LAOAG CITY – Nakapasar ti 1-point loss ti Minessota Timberwolves kontra iti Utah Jazz iti iskor a 117 – 116.
Saan a nalappedan ti Timberwolves ti comeback ti Jazz iti 2nd half ti ay-ayam iti panangidaulo ni Utah forward John Collins a kimmamada ti 29 points ken 12 rebounds iti pakabuklan.
Iggem ti Timberwolves ti 11-point lead iti panagleppas ti 1st half, 67 – 56, ngem kinamat daytoy ti Jazz iti panagserrek ti 3rd quarter.
Nakaaramid ti Jazz ti 38 points iti maikatlo a kuarter ken 26 laeng ti naaramid ti Timberwolves.
Sangapulo a segundo sakbay a malpas ti laban iti 4th quarter, iggem pay laeng ti Timberwolves ti 1-pt lead, 116 – 115.
Nupay kasta, saanna a nalappedan ti cutting dunk shot ni Utah Center Walker Kessler a nakaaramid ti score a 117 – 116 a panagballigi.
Saanen a nakasubbot pay ti Timberwolves ken nakaraman ti maika-29 a pannakaabak ita a season.
