LAOAG CITY – Silulukat ni dati a senador ken senator-elect Vicente “Tito” Sotto III iti posibilidad nga agsubli kas Senate President (SP).
Maipalagip a nagbalin a Senate President ni Senator-elect Sotto sipud Mayo 2018 agingga iti Hunyo 2022 iti babaen ti 18th Congress.
Immuna iti daytoy, iti maysa nga interview, nasaludsud ken ni Sotto maipanggep iti posibilidad ti panagbalin na manen a lider ti Senado, insungbat na a no adda ti umdas a suporta a maala na manipod kadagiti kakadwa na ket awaten na ti nasao a posisyon.
Naipasa ti Universal Health Care Act ken ti Anti-Terrorism Law iti panagserbi ni Sotto kas Senate President.
Iti agdama ket agserserbi kas Senate President ni Sen. Chiz Ezcudero.
Tapno agbalin a Senate President, kasapulan ti suporta ti agingga iti 13 a senador wenno nasursurok pay.
