LAOAG CITY – Iggemen ti TNT Tropang Giga ti 2-1 a lamang iti best of seven PBA Season Commissioner’s Cup Finals.
Daytoy ket kalpasan nga inabakna ti Barangay Ginebra iti iskor nga 87-85 iti ay-ayam a naisayangkat iti Philsport Arena idiay Pasig City.
Nagbalin a tabla iti 82 ti iskor iti nabatbati a maysa a minuto idi maiserrek ni Rey Nambatac ti three-points-na tapno magun-od ti tallo a puntos a lamang ti TNT iti nabatbati a 30 a segundo ti ay-ayam.
Nakaaramid ti crucial turnover ni RJ Abarrientos ti bola isu a naala ni Glen Khonbuntin ken nakainayon ti lima a puntos ti TNT ti lamangda iti nabatbati a 13 a segundo.
Nabiag pay ti tsansa ti Ginebra idi maiserrek ni Scottie Thompson ti three-points ngem saandan a nalappedan ti TNT tapno lippasen ti ay-ayam.
Ginundawayan ti TNT ti kinaawan ni Justin Brownlee kalpasan a nagsagaba ti injury iti akinkannawan nga imana.
Napasamak ti injury iti nabatbati a 6:42 iti third quarter ken saanen a nagsubli pay iti ay-ayam.
