LAOAG CITY – Mangiyuswat ti Tokyo tourist hotspot Shinjuku ti panangipawil nga agoperar kadagiti sumurok kagudwa a holiday rentals pakairamanan kadagiti Airbnb kalpasan ti ado a reklamo manipud kadagiti bumisita iti pagilian.
Daytoy ket agarup 10 a porsiento manipud kadagiti 42,000 a short-term rental.
Inbatad ti Shinjuku official a plano ti distrito a rebisaren ti agdama nga ordinansa no sadinno a daytoy ket pakairamanan ti pannakaipawil kadagiti private lodging iti residential zones ken dagiti ayan ti paset dagiti pagadalan.
Kabayatanna, overtourism ti agdama a kangrunaan a problema ti Japan no sadinno a dagiti residente ti Kyoto ket nangipeksa ti suron kadagiti selfie-taking crowds kasta payen ti kinakaro ti traffic ken agtultuloy a panagngina ti balor dagiti daga.
