LAOAG CITY – Nagballigi dagiti otoridad a nangarestar iti maibilang kas Top 1 Most wanted person iti ili ti Pasuquin.
Daytoy ti inpakaammo ni Police Major Jonevale Maramag, ti chief of police iti nasao nga ili.
Binigbig ni Maramag ti akusado a ni Erwin Garcia, agtawen ti 37, naasawaan, mannalon ken residente iti Barangay Darupidip iti ili ti Pasuquin.
Natiliw ti akusado babaen ti bileg ti warrant of arrest nga inparuk-at ni Judge Charles Javier Calapini, ti presiding judge iti Regional Trial Court ti Branch 19 iti ili ti Bangui gapu iti kaso na nga attempted murder.
Nairekomendar ti 120 ribo a pisos piyansa ti akusado para iti temporaryo a pannakawaya-waya na.
Inpakaammo ni Maramag nga adda ti nakariri ti akusado iti kallabes a nangitunda ti panangbagkong na ken nakatayan ti biktima.
Iti agdama, nagtalinaed ti akusado iti kwerpo ti pulisya iti ili ti Pasuquin ken manamnama a maidatag iti korte a naggapwan ti warrant of arrest.
